Ruslan Abışovun taleyinə nə vaxt aydınlıq gələcək ? - AÇIQLAMA

14:00 8 Yanvar 2015

Azərbaycan millisinin futbolçusu Ruslan Abışovun Rusiyanın "Rubin" klubundakı taleyinə yanvarın 11-də aydınlıq gələcək.

Bu barədə "Report"a 27 yaşlı yarımmüdafiəçinin qardaşı və meneceri Sərxan Abışov məlumat verib.

O, yanvarın 11-də "Rubin" rəsmiləri ilə görüşəcəyini bildirib. Abışov qardaşının seçim imkanının da olduğunu söyləyib: "Ruslanı 3 klub istəyir. Bunlardan ikisi yerli, biri əcnəbi klubdur. Lakin bütün məsələlərin gedişatı yanvarın 11-də keçiriləcək görüşün nəticəsindən asılı olacaq. "Rubin" alınması, transfer məbləğini ödəyən komanda Ruslanı heyətinə cəlb edə biləcək".

Qeyd edək ki, yay transfer pəncərəsində "Qəbələ" ilə 6 aylıq icarə müqaviləsi imzalayan Ruslan Abışov müqavilə üzrə "Rubin"ə məxsusdur. Onun Kazan klubu ilə olan 2.5 illik müqaviləsi bu ilin yayında başa çatacaq.


Digər xəbərlər

Xəbər xətti