AAAF Parkda yerləşən “Zirvə” liseyinin şagird və müəllimlərdən ibarət kollektivi Azərbaycanın müstəqilliyi, istiqlaliyyəti və ərazi bütövlüyü uğrunda şəhid olmuş həmvətənlərimizin xatirəsini yad etmək məqsədilə Şəhidlər Xiyabanını ziyarət etdilər. Bu zaman 20 Yanvar 1990-cı ildə azadlığımız uğrunda canlarından keçən şəhidlərimizin məzarları üstünə gül dəstələri qoydular.
Liseyin tarix müəllimi tərəfindən şagirdlərə “Qan Yaddaşı”mız barəsində məlumat verilərək tarixi günün əhəmiyyəti vurğulandı.
“Qanlı Yanvar” faciəsində şəhid olan bütün həmvətənlərimizə Allahdan rəhmət diləyirik.