"Sumqayıt"dan ayrılan Kiyan Soltanpur özünə yeni klub tapıb. Milliləşdirilmiş futbolçumuz karyerasını yenidən Almaniyada davam etdirəcək.
Belə ki, 26 yaşlı hücumameylli yarımmüdafiəçi Berlinin "Viktoriya" klubuna keçib. Kiyan yeni klubu ilə 6 aylıq müqavilə imzalayıb.
Qeyd edək ki, Soltanpur "Sumqayıt"da 12 oyun keçirib, 519 dəqiqə oynayıb və 3 qol vurub. Milliləşdirilən legioner yığmamızın təlim-məşq toplanışına dəvət olunsa da, rəsmi matçlarda meydana çıxmayıb. O, əvvəllər Almaniyanın "Union Berlin" (II komanda), "Borussiya" (Dortmund, II komanda), "Saarbrükken" və "Berliner AK" klublarında çıхış edib.