AÇIQLAMA: "Ermənilər avtobusumuzu daşa basdı"

Sportarena.az      31 Yanvar 2018, 16:15

Keçmiş SSRİ-nin məşhur qapıçılarından olan Vyaçeslav Çanov Rusiyanın "Sport-Ekspress" qəzetinə müsahibə verib. 
 

Sportarena.az xəbər verir ki, vaxtilə "Neftçi"də çıxış etmiş 63 yaşlı veteran qapıçı "ağ-qaralar"ın Ermənistan "Ararat"ı ilə qarşılaşmasında yaşananlara da toxunub. Çanov 1985-ci ildə Bakıda keçirilən və "Neftçi"nin 1:0 hesabı ilə qalib gəldiyi oyunu xatırlayıb:

"Həmin il ermənilərin Azərbaycanda törətdiyi qırğından 65 il keçirdi. Şəhərdə kütləvi ixtişaşlar baş verə bilərdi. Bunu nəzərə alan Bakı Şəhər Partiya Komitəsinin 1-ci katibi Musayev (AFFA-nın sabiq prezidenti Fuad Musayevi nəzərdə tutur-red.) bizi toplayaraq, "bəlkə oyunu təxirə salaq" dedi.

Komandanın kapitanı İsgəndər Cavadov "gəlin oynayaq, çoxdan toplanışdayıq, oyuna köklənmişik" dedi. Ermənilərin kompakt yaşadığı ərazi - "Ermənikənd" (indiki "Nəsimi bazarı"nın ətrafı-red.) stadionun yaxınlığında yerləşirdi. Oyunun sonlarına yaxın stadionda vərəqələr paylanır, ermənilərin yaşadığı ərazini dağıtmaq tələb olunurdu. Və elə bu anda, oyunun 88-ci dəqiqəsində Maşallah Əhmədov qol vurdu - 1:0! Azarkeşlər sevinirdi, bütün şəhərdə xalq gəzintisi başladı. Biz isə paltardəyişmə otağında taqətsiz halda qalmışdıq. Sanki bir vaqon kömür boşaltmışdıq. Cavadova tərəf baxaraq, "necəsən, İsgəndər?" dedim. O da "vay, Slava, məni evə çatdıran olsaydı" cavabını verdi.

İkinci dövrədə Yerevandan ayaqlarımızı zorla çıxardıq. Orda 0:0 oynadıq. "Razdan"dan çıxanda avtobusumuzu daşa basdılar. Bütün şüşələr qırılmışdı. Başımızı çantalarla qoruyurduq. Eyni hadisə Kutaisidə də başımıza gəlmişdi".

DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
Avrokubokların yeni formatında klublarımızdan ən azı biri qrup mərhələsinə vəsiqə qazana biləcəkmi?
 Bəli
 Xeyr
 Püşkdən asılı olacaq
 Klublarımızın işi çətin olacaq
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin