Tunis millisi 2017-ci ildə keçiriləcək Afrika Millətlər Kubokunda iştirak etməyəcək.
Sportarena.az xəbər verir ki, buna sözügedən yığmanın turnirdən uzaqlaşdırlıması səbəb olub.
Belə ki, Tunis Futbol Federasiyası Afrika Futbol Konfederasiyasını (AFK) tənqd edib. Bunun üçün də milli 2017-ci ildə baş tutacaq qitə birinciliyindən kənarlaşdırlıb.
Qeyd edək ki, Tunis yığmasının nümayəndələri Afrika Millətlər Kubokunun 1/4 final mərhələsində Ekvator Qvineyası ilə görüşdən sonra hakimlərin verdiyi qərardan narazı qaldıqları üçün AFK-nı ittiham ediblər. Sözügedən oyunun əlavə dəqiqələrində tunislilərin qapısına oyunun baş hakimi Radcin Siçurn penalti göstərilib. 11 metrlik cərmə zərbəsini dəqiq yerinə yetirən Ekvator Qvineyası hesabı bərabərləşdirib. 102-ci dəqiqədə isə Balboa dubl edərək, komandasını yarımfinala yüksəldib. Burada onların rəqibi Qana millisi olub. Bu qarşılaşma isə bu gün keçiriləcək.
Matçdan sonra referi 6 aylıq cəzalandırılıb. Afrika Futbol Konfederasiyası Tunis Futbol Federasiyasını qeyri-əxlaqi bəyanatlarla çıxış etdikləri üçün üzr istəmələrini tələb edib. Bununla razılaşmayan tunislilər isə növbəti qitə birinciliyindən məhrum edilib.