Almaniyanın 2-ci Bundesliqasında çıxış edən "Union Berlin" klubu onkoloji xəstəlikdən əziyyət çəkən futbolçu Bencamin Kölerlə yeni müqavilə bağlayıb.
Sportarena.az xəbər verir ki, mədəsində bədxassəli şiş aşkarlanan 25 yaşlı yarımmüdafiəçi ilə müqavilə 2015-ci ilin yayında bitirdi.
Yeni müqavilə isə bir il daha uzadılaraq 2016-cı ilin yayınadək nəzərdə tutulub.
Qeyd edək ki, Bencamin Köler "Union Berlin"də keçirdiyi 2 mövsüm ərzində çıxış etdiyi 49 oyunda 6 qol vurmağı bacarıb.