Danışılmış oyun bəlası virus kimi bütün dünyaya yayılıb.
Sportarena.az xəbər verir ki, növbəti belə hal Albaniyada aşkarlanıb. “Teuta Durres”in qapıçısı Alfred Osmani 3 oyunun nəticəsini “istədiyi” kimi müəyyənləşdirdiyi üçün 6 ay futboldan uzaqlaşdırılıb.
Qərarı Albaniya Futbol Federasiyası verib. Qolkiperin “satdığı” oyunlar arasında “Flamurtari” ilə “Teuta” arasında çempionat matçı da var. Bu qarşılaşmada hesab 1:1 olarkən qapısına vurulan zərbələri dəf etmək istəmədiyi, ləng davrandığı sezilən Osmani son dəqiqələrdə istəyinə çatmış və “Flamurtari” qələbə topunu vurmuşdu. Buraxdığı qoldan sonra alban qapıçı azarkeşlər tərəfindən ciddi etirazla qarşılaşmışdı.