Fevralın 3 və 13-də keçirilən AFFA-nın Klublar Komitəsinin iclaslarında yeniyetmə və gənc futbolçuların məvaciblərinə limit tətbiq olunması müzakirə edilib.
Sportaren.az AFFA-nın saytına istinadən xəbər verir ki, AFFA beynəlxalq təcrübəni araşdıraraq təqdimat hazırlayıb.
Təqdimatda dünyanın müxtəlif ölkələrində və ayrı-ayrı idman növlərində oyunçuların məvaciblərinə, həmçinin ümumilikdə klubların maaş büdcəsinə limit tətbiq olunması ilə bağlı faktlar, eyni zamanda 2013/14 və 2014/15 mövsümlərində Azərbaycanda U-23 oyunçuların transfer məlumatları öz əksini tapıb.
Qeyd edək ki, məsələ AFFA-nın İcraiyyə Komitəsinin martın 6-da keçiriləcək iclasında müzakirəyə çıxarılacaq.