"Neftçi" - "Qarabağ" matçındakı insidentlə bağlı cinayət işi açıldı

12:15 23 Fevral 2015

Azərbaycan Premyer Liqasının XXIII turunda keçirilən "Neftçi" - "Qarabağ" (0:1) oyununda baş verən insidentlə bağlı cinayət işi açılıb.

 

 

Sportarena.az xəbər verir ki, bu barədə APA-ya Nizami Rayon Polis İdarəsindən bildirilib.

 

Qeyd olunur ki, fevralın 19-da “Bakcell Arena” stadionunda keçirilən oyunda hər iki klubun azarkeşləri arasında baş verən insidentlə bağlı Nizami Rayon Polis İdarəsində Cinayət Məcəlləsinin 221.2.1 (bir qrup şəxs tərəfindən xuliqanlıq) maddəsi ilə cinayət işi başlanıb. Sonradan isə  əməl Cinayət Məcəlləsinin 315-ci (hakimiyyət nümayəndəsinə müqavimət göstərmə və zor tətbiq etmə ) maddəsinə tövsif olunub.

 

Hazırda  Bakı  Şəhər Prokurorluğu tərəfindən ibtidai istintaq aparılır.

 


Xəbər xətti