“AFFA-nın qərarına hörmət edirəm. Amma bu çox ağır qərar oldu. 3 oyunluq cəza məncə düzgün deyildi”.
Sportaren.az xəbər verir ki, bu sözləri “Qafqazinfo”ya açıqlamasında “İnter”in paraqvaylı futbolçusu Sezar Meza Kolli deyib.
Bu gün AFFA İntizam Komitəsi tərəfindən 3 oyunluq cəza alan hücumçu federasiyanın qərarı ilə razılaşmadığını bildirib: “Hakimin yanlış qərarları da var idi. Mən yalnız “Qarabağ”la oyunda meydana çıxacam. O vaxta kimi “İnter”ə sadəcə tribunadan azarkeşlik edəcəm. Sadəcə uzun müddətli zədədən sonra belə bir cəza almaq da oyunuma, fiziki cəhətdən mənə pis təsir edəcək. İndiki halda AFFA-nın qərarı haqqında çox düşünmürəm. AFFA qərəzli idi. Bu doğru deyil”