Futbol üzrə Avropa Liqasının 1/16 final mərhələsinin cavab görüşündə Türkiyənin "Beşiktaş" klubunun azarkeşləri UEFA-nın yeni rekorduna imza atıb.
Sportarena.az xəbər verir ki, Atatürk Olimpiya Stadionunda keçirilən "Liverpul"la matçı 63 324 azarkeş izləyib.
Bu isə UEFA Avropa Liqası tarixinin ən çox azarkeş sayıdır.
Qeyd edək ki, İngiltərədə meydan sahiblərinin minimal hesablı qələbəsi ilə başa çatan görüşün cavab qarşılaşmasında "Beşiktaş" qalib gəlib - 1:0. Ümumi hesab bərabər olduğundan, əlavə vaxt oynanılıb. Lakin nəticə dəyişmədiyindən, komandalar penalti zərbələri yerinə yetiriblər. Yekunda "qara qartallar" 5:4 hesabı ilə qalib gələrək adını növbəti mərhələyə yazdırıb.