İtaliya Ali Məhkəməsi 2006 - cı ildən başlanmış "danışılmış oyunlarla bağlı işi" yekunlaşdırıb.
Sportarena.az bildirir ki, əsas iki günahkar bağışlanmayıb. Onlar "Yuventus"un keçmiş idman direktoru Luçano Moji və klubun meneceri Antonio Jiraudodur. Lakin baş vermiş işdən xeyli vaxt keçdiyinə görə onlar həbs edilməyiblər. Modjinin 28 ay , Jiraudonun isə 20 ay həbs edilməsi gözlənilirdi.
Xatırladaq ki, 2006/2007 mövsümündən əvvəl "Yuventus" B seriyasına göndərilmiş , "Milan", "Rejina" , "Fiorentina" və "Lazio"dan isə xallar silinmişdi.