Ruslan Qurbanov: "Stadiondakı atmosfer fantastik idi"

19:24 3 Aprel 2015

"Malta ilə oyundan öncə Prosineçki mənə meydana çıxmağa hazır olduğumu dedi. Hər şey qaydasında getsəydi, matçın 60-cı dəqiqəsində meydana çıxacaqdım. Lakin Namiq Ələsgərov zədələndi və 22-ci dəqiqədə onun yerinə meydana daxil oldum".

 

Sportarena.az  "goal.com"a istinadən xəbər verir ki, bu sözləri Azərbaycan millisinin futbolçusu Ruslan Qurbanov "Avro-2016"nın seçmə mərhələsində Maltaya qalib gəldikləri oyun (2:0) haqda danışarkən deyib.  
  
 

"Neftçi"nin icarə əsasında Xorvatiyanın "Hayduk" klubunda oynayan futbolçusu baş məşqçi Robert Prosineçkinin onun oyunundan razı qaldığını bildirib: "Stadiondakı atmosfer fantastik idi. Baxmayaraq ki, azarkeşlərimiz seçmə mərhələyə uğursuz star verdiyimiz üçün çox məyus idilər. Ancaq onlar bu dəfə yeni baş məşqçi ilə meydana çıxdığımıza görə, bizi dəstəksiz qoymamışdılar.

 

Prosineçki yığmanın sabiq baş məşqçisi Berti Foqtsun tam əksidir. O, hücum futbolu sərgiləməyimizi, parlaq oyun göstərməyimizi istəyir. Bu da futbolçular tərəfindən müsbət qarşılanır. Prosineçki matçdan sonra oyunumdan razı qaldığını dedi və "Hayduk"da uğurlu çıxışımı davam etdirməyi məsləhət gördü".

 

Millimizin seçmə mərhələdəki hədəflərindən danışan R.Qurbanov deyib: "Seçmə mərhələdə əsas hədəfimiz üçün pilləni tutmaq idi. Lakin keçirdiyimiz 4 görüşdə məğlub olduğumuz üçün şansımız azaldı. Buna baxmayaraq, sonadək mübarizə aparacağıq. Növbəti seçmə mərhələ üçün rəqabətədavamlı komanda yaratmaq lazımdır".

 


Digər xəbərlər

Xəbər xətti