Ağır günlərini yaşayan "Simurq" futbolçularını itirməkdə davam edir. Belə futbolçulardan biri də Rəşad Eyyubovdur. Yayılan xəbərlərə görə, Rəşad "Xəzər Lənkəran" və "Qəbələ"dən təklif alıb.
SportArena.az olaraq, Rəşadla əlaqə saxlayıb, məsələ haqqında soruşduq:
"Mən hələ ki, "Simurq"un futbolçusuyam. Başqa klublardan təkliflər almışam. Ən real təklif isə "Qəbələ"dən gəlib. Hələ ki, "Simurq" haqqında düşünürəm. Əgər komanda yaşayarsan, burada qala bilərəm. "Simurq" variantı alınmasa, digər təkliflərə baxacağam".