"Neftçi"də təcili toplantı: Komandanın futbolçuları transferə çıxarıldı

10:24 9 May 2015

Azərbaycan Premyer liqasının 33-cü turu çərçivəsində keçirilmiş “İnter”-“Neftçi” (4:0) oyunundan sonra müşahidə şurasının sədri Çingiz Abdullayevin rəhbərliyi ilə klubun bazasında təcili toplantı keçirlib.


 
SportArena.Az
-ın klubun saytına istinadən yaydığı xəbərə görə, toplantıda şura üzvləri Cəbrayıl Cəbrayılov, Mübariz Zeynalov, Səməd ­­­Qurbanov, Zaur Qəhrəmanov eləcə də icraçı direktor Elnur Məmmədov, icraçı direktorun müavini Mübariz Xudiyev, komandanın baş məşqçisi Arif Əsədov və idman direktoru Vəli Qasımov da iştirak edib. 

Ümumi müzakirələrdən sonra son turlarda komandanın sərgilədiyi oyunlar  nəzərə alınaraq, futbolçular – Rauf Əliyev, Mirhüseyin Seyidov və Elvin Yunuszadənin əvəzedici komandaya göndərilməklə transferə çıxarılmasına qərar verilib.
 
Komandanın əcnəbi futbolçularının müqaviləsinin uzadılıb-uzadılmayacağına isə son oyunların nəticələrinə əsasən qərar veriləcək. Toplantıdan sonra komanda ilə görüş keçirilib və qərarlar futbolçulara elan olunub.


Xəbər xətti