Bu gün “Bakı-
Azərbaycan boksçuları bu gün baş tutan bütün çəki dərəcələrində iştirak edir.
49 kq
Avropa və dünya çempionumuz Salman Əlizadə bu mərhələdə irlandiyalı Brendan İrvinlə üz-üzə gəlib və 1:2 hesabı ilə uduzub.
52 kq
Bu çəki dərəcsində mübarizə aparacaq idmançımız Elvin Məmişzadə bolqarıstanlı Daniel Asenovla qüvvəsini sınayıb. E.Məmişzadə rəqibini 2:1 (30:27; 30:27; 28:29) hesabı ilə məğlub edib. Boksçumuz yarımfinala vəsiqə qazanmaqla ən azı bürünc medalı özünə təmin edib.
E.Məmişzadə 1/2 finalda Almaniyanı təmsil edən Həmzə Touba ilə döyüşəcək. Görüş iyunun 25-də saat 13:30-da başlayacaq.
56 kq
Son Avropa çempionatının gümüş mükafatçısı Tayfur Əliyev 1/4 finalda Danimarka idmançısı Frederik Yansenlə qarşılaşıb. Hər üç raundda qalib gələn Əliyev yarımfinala yüksəlib. O, finala gedən yolda rusiyalı Baxtovar Nazirovla qarşılaşıb. İdmançımız hər 3 raundu xeyrinə bitirib – 3:0 (29:28; 29:28; 29:28).
Yarımfinala yüksəlməklə ən azı bürünc medalı özünə təmin edən T.Əliyev bu mərhələdə Rusiya təmsilçisi Baxtovar Nazirovla qarşılaşacaq. Görüşə iyunun 24-də saat 19:30-da start veriləcək.
81 kq
Bu çəkidə ölkəmizi təmsil edən Teymur Məmmədov Hollandiya idmançısı Peter Mullenberqlə döyüşüb. Avropa çempionumuz rəqibini 3:0 (29:28; 29:28; 30:27) hesabı ilə məğlub edərək yarımfinala yüksəlib. O, 1/2 finalda rusiyalı Pavel Silyaginlə üz-üzə gələcək. Məmmədov – Silyagin qarşılaşması iyunun 24-də saat 20:15-də başlayacaq.
+91 kq
Yığmamızın lideri Məhəmmədrəsul Məcidov 1/4 finalda türkiyəli Ali Dəmirəzənlə qarşılaşıb. 2012-ci il London Olimpiya Oyunlarının bürünc mükafatçısı, Avropa və dünya çempionumuz bu görüşdə 3:0 hesabı ilə (30:27; 29:28; 30:27) qalib gəlib.Məcidov bu mərhələdə Qasan Qimbatovla qüvvəsini sınayacaq. Döyüş iyunun 25-də saat 14:30-da başlayacaq.