"Bakı-2015" I Avropa Oyunlarında cüdo yarışları davam edir.
Sportarena.az xəbər verir ki, 1-i kişi, 4-ü qadın olmaqla yığmamımızın 5 üzvü mübarizəyə qoşulacaq.
Kişilər
73 kq
Azərbaycanı bu çəkidə təmsil edəcək Rüstəm Orucov 1/32 final mərhələsindən azaddır. O, 1/16 finalda Yaromir Yezeklə (Çexiya) qarşılaşıb və ippona düşərək uduzub.
Qadınlar
63 kq
Bu çəkidə idmançımız Xanım Hüseynova Makedoniya cüdoçusu Nikolosko Katerina ilə münasibətlərinə aydınlıq gətirib. Cüdoçumuz son saniyələrdə tətbiq etdiyi yuko sayəsində 2:1 hesabı ilə qalib gəlib. O, 1/8 finalda fransalı dünya çempionu Klariss Aqbenenu ilə üz-üzə gəlib və ippona düşərək uduzub.
Digər təmsilçimiz Nuriyyə Axundova polşalı Aqato Ozdoba ilə üz-üzə gəlib və ippono düşüb.
70 kq
Azərbaycan yığması bu çəkidə də iki cüdoçu ilə təmsil olunur. Validə Mirzəzadə 1/16 final mərhələsində saat 12:18-da Teymansla (Belçika) qarşılaşıb. O, 112-ci saniyədə ipponla mübarizəni dayandırıb.
Digər təmsilşçisimiz Nərgiz İbrahimova da xorvatiyalı Barbara Matiçi ilə görüşdə ippona düşərək məğlub olub.