“Futbolçularımı təbrik edirəm. Tapşırıqlarımın hamısını yerinə yetirdilər. Oyundan çox razıyam”.
Bu sözləri “Rudar”ın baş məşqçisi Mirko Mariç Çempionlar Liqasının II təsnifat mərhələsinin “Qarabağ”la ilk oyunundan (0:0) sonra keçirilən mətbuat konfransında deyib.
- Cavab qarşılaşması haqda nə düşünürsünüz?
- Bilirik ki, rəqib yaxşı komandadır. Növbəti matçın favoriti də “Qarabağ”dır.
- Hiss olunurdu ki, komandanız sırf müdafiədən oynayır. Düşünmürsünüz ki, “Qarabağ”la ilk oyundakı heç-heçə sizin üçün yaxşı nəticə deyil? Çünki “Qarabağ” səfərdə qol vursa, işiniz çətin olacaq.
- Təbii ki, düşünürük. Ancaq biz də qol vura bilərik.