"Onlardan nəsə gözləmək hələ tezdir" - "Qarabağ"ın vitse-prezidenti

01:35 16 İyul 2015

"Qarabağ"ın vitse-prezidenti Tahir Gözəl Çempionlar Liqasının II təsnifat mərhələsi çərçivəsində "Rudar"a qarşı keçirdikləri ilk oyun barədə danışıb :

 

"Rəqib komanda Bakıya heç-heçə üçün gəlmişdi və istəklərinə nail oldular. "Qarabağ" oyunboyu rəqibi təzyiq altında saxladı. Cavab matçında qələbə qazanmağa çalışacağıq. Futbolçularda həyəcan olmasına baxmayaraq, yaxşı oyun nümayiş etdirdilər. Dörd yeni transferimizin ilk oyunu idi. Məncə, növbəti oyunda yeni transferlərimiz komandaya daha yaxşı uyğunlaşacaq. 

Onlardan nəsə gözləmək hələ tezdir. Yeni oyunçularımıza bir qədər zaman verməliyik. Rəqibin cavab görüşündə fərqli oyun sərgiləcəyini güman edirəm. Onlar bizə qol vurmağa çalışacaq. Bu səbəbdən cavab matçı daha çətin və maraqlı olacaq. Mən bir klub rəhbəri kimi öz oyunçularıma inanıram. Bir daha anladıq ki, futbolda asan rəqib yoxdur. Avrokubok oyunları həqiqətən də çətin keçir. Matçdan sonra futbolçularıma dedim ki, sizə inanıram, gedin, qələbə qazanın və Azərbaycanı, 1 milyon qaçqınımızı sevindirin".


Xəbər xətti