“Bakı” klubundan daha bir futbolçu gedib. Sportarena.az xəbər verir ki, Ülvi Süleymanov paytaxt təmsilçisi ilə yollarını ayırıb. Bu barədə Ülvü şəxsi “facebook” hesabından məlumat yayıb:
“Bakı” Futbol Klubu, hər şeyə görə çox sağol. Futbola addım atandan bəri bu klubda oynamışam, bu komandanın formasını tərlətmişəm. İstər yaxşı, istər pis, insan böyüdükcə qarşısına çox şey çıxır. Son iki ildə əsas komandanın heyətində olmaq çox xoş idi. Düzdü, problemlərimiz çox olsa da, kollektivi heç nəyə dəyişmək olmazdı. Kim mənə bu komanda haqlı, haqsız davrandısa, hamısı çox sağolsun. Üstümdə əməyi olan hər bir kəsə təşəkkür edirəm. “Bakı” futbolu öyrədib mənə, həmişə də ürəyimdə qalacaq. Artıq bu klubun oyunçusu deyiləm. Ən çox üzüldüyüm məqam isə çox gözəl kollektivimizin məhv olmasıdır. Çox sağol, “Bakı” Futbol Klubu”.