"Barselona"lı Alveşdən zaqatalalı azarkeşlərə salam - VİDEO

14:31 14 Avqust 2015

Bildiyiniz kimi, avqustun 11-də Gürcüstanın paytaxtı Tiflisdə İspaniyanın "Barselona" və "Sevilya" klubları arasında Avropanın ən güclüsünü müəyyənləşdirmək üçün UEFA Super Kuboku matçı keçirildi. Həmin matçda "Barselona" əlavə vaxtda vurduğu qol hesabına sensasiyaya yol vermədi - 5:4.

 

Sportarena.az "qaynar.info"ya istinadən xəbər verir ki, bu matçı izləyənlər arasında çoxlu sayda Gürcüstandan həmyerlilərimiz və Azərbaycandan gedən vətəndaşlarımız olub.

 

Onlardan biri də zaqatalalı azarkeş olub. O, "Barselona"nın braziliyalı cinah müdafiəçisi Daniel Alveşdən sponsorsuz qalması üzündən rəsmi sənədlərdə fəaliyyətini dayandıran, ancaq "Zaqatala" adı ilə fəaliyyət göstərən "Simurq" klubuna salam göndərməyi xahiş edib.

 

Qeyd edək ki, Daniel Alveş qafqazlı azarkeşlərə yaxın olması ilə seçilir. Onun yaxınlarda azərbaycanlı dostları ilə əyləndiyi video da yayılmışdı.

 


Digər xəbərlər

Xəbər xətti