Londonda baş tutan "GQ Awards" mükafatlandırmasında "Çelsi" futbol klubunun baş məşqçisi Joze Mourinyo "İlin kişisi" nominasiyasını qazanıb. Sportarena.az xəbər verir ki, nüfuzlu jurnalın təşkil etdiyi gecədə Mourinyo qırmızı xalça üzərinə 18 yaşlı qızı Matilda ilə çıxıb.
Onun "Balmain"dən geyindiyi dekolteli paltar bütün diqqəti üzərinə çəkib. Matilda atası ilə jurnalistlər qarşısına çıxaraq poz verib.
Qeyd edək ki, 52 yaşlı Mourinyo və həyat yoldaşı Mariyanın Matildadan başqa Xose Mariya adlı 14 yaşında oğulları var.
