Bu gün AFF İntizam Komitəsinin iclası keçirilib. Sportarena.az xəbər verir ki, tədbirdə əvəzedici heyətlərin V turunda qeydə alınan qayda pozuntularına da baxılıb.
"Zirə" – "Rəvan" matçında oyunöncəsi iclasda ev sahiblərinin nümayəndəsi iştirak etmədiyinə görə klub 1000 manat cərimə olunub. Bundan başqa, yaş limiti pozulduğuna görə "Zirə"yə 0:3 hesablı texniki məğlubiyyət verilib.
"Neftçi" – "Xəzər Lənkəran" matçında isə meydan sahiblərinin 5 futbolçusu sarı vərəqə ilə cəzalandığı üçün klub 500 manat cərimə olunub.