"Avro-2016"nın seçmə mərhələsində oktyabrın 10-da Bakıda millimizlə qarşılaşacaq İtaliya yığmasının heyətində dəyişiklik edilib. Sportarena.az xəbər verir ki, "Milan"ın müdafiəçisi Luka Antonelli yığmadan kənarlaşdırılıb.
Buna onun A Seriyasının 7-ci turunda "Sampdoriya" ilə görüşdə zədələnməsi səbəb olub. Antonellini İtaliya millisində "İnter"in müdafiəçisi Davide Santon əvəzləyəcək.
Qeyd edək ki, oktyabrın 10-da Bakıda millimizin qonağı olacaq İtaliya yığması 3 gün sonra evdə Norveçi qəbul edəcək.