Qadın voleybolçular arasında CEV kubokunun 1/16 final mərhələsinin cavab görüşlərini idarə edəcək hakimlərin adları açıqlanıb. Sportarena.az xəbər verir ki, Avropa Voleybol Konfederasiyası noyabrın 10-da Bakıda keçiriləcək “Azəryol” (Azərbaycan) – “Tarqovitse” (Rumıniya) duelini bolqarıstanlı Lyubomir Sirakova həvalə edib.
“Azərreyl” İdman Bazasında, saat 18:00-da başlayacaq qarşılaşmada ikinci hakim funksiyasını isə Kirill Nesterenko (Rusiya) yerinə yetirəcək.
Qeyd edək ki, Tarqovitsedə baş tutan ilk qarşılaşmada rumınlar 3:0 hesabı ilə qalib gəliblər.