"Qarabağ"ın Avropa Liqasının qrup mərhələsindəki rəqibi "Monako"nun futbolçusu Joao Moutinyo gələn ay komandadan ayrılacaq.
Sportarena.az xəbər verir ki, 29 yaşlı futbolçu komandasının çempionluq uğrunda mübarizə aparmamasından narazı qalıb.
Üstəlik Fransa Liqasının səviyyəsi də portuqaliyalı futbolçunu qane etmir. Bu səbəbdən "Monako"dan ayrılmaq istəyən Moutinyoya artıq "Yuventus" və "Borussiya" (Dortmund) klubları "elçi" düşüb.
Qeyd edək ki, Moutinyo cari mövsüm "Monako"nun heyətində 11 oyun keçirib.