Cavid Tağıyev: "...qara zolaqdayıq" - MÜSAHİBƏ

00:37 20 Dekabr 2015

"Qarabağ"ın futbolçusu Cavid Tağıyev "Qəbələ" ilə 1:1 başa çatan oyundan sonra jurnalistlərin suallarını cavablandırıb. Sportarena.az həmin müsahibəni təqdim edir:

 

- Oyunla bağlı fikirlərini bilmək maraqlı olardı...

- Çətin oyun oldu. "Qəbələ" komandası da son iki oyun bizim kimi qələbə qazana bilmirdi. Məqsəd 3 xal idi. Əlimizdən gələni etdik. Lakin olmadı. Belə olmalı imiş.

 

- "Qarabağ" "Qəbələ"yə güzəştə getdi, yoxsa tam gücünüz ilə oynadınız?

- Yox deməzdim ki, güzəştə getdik. Tam gücümüzü qoyduq oyuna. Alınmadı. Qol epizodlarından yararlana bilmədik.

 

- Etiraf edək ki, rəqib daha istəkli idi...

- Kənardan elə görünə bilər, lakin biz özümüz də bu oyuna ciddi hazırlaşırdıq. Məncə pis oynamadıq. Yəni hər iki komanda yaxşı oynadı deyə düşünürəm. Qol epizodlarına görə bizim üstünlüyümüz vardı.

 

- Arxayınçılıq varmıydı?

- Məncə yox. Ola bilər "qara zolaq"dayıq. Ancaq yenə deyirəm, bütün komandalar kimi biz də meydana qələbə qazanmaq üçün çıxırıq.

 

- Öz oyunu necə dəyərləndirirsən?

- Özüm öz oyunumu qiymətləndirə bilmərəm. Heç nə deyə bilmərəm bu haqda. Amma əlimdən gələni etdim ki, komanda üçün faydalı olum.

 

- Sənə elə gəlmirmi ki, start heyəti sənə daha çox düşərli olur?

- Əsas heyət ya da sonradan daxil olma məşqçinin qərarıdı. Düzünü desəm, bunu özümdə hiss etməmişdim. Penaltidən sonra düşündüm ki, artıq hesab 0:2 olacaq. Şehiç penaltini qaytaranda çox sevindim. Ona "çox sağ ol" deyirəm.


Xəbər xətti