Bu gün Azərbaycan Premyer Liqasında XXIX turun son oyunları keçiriləcək.
Sportarena.az xəbər verir ki, XXIX turun bugünkü oyunlarında iki qarşılaşma reallaşacaq.
Premyer Liqanın autsayderi "Rəvan" bu gün doğma meydanda debütant "Zirə"ni qəbul edəcək. Son matçda "Neftçi"ni məğlub etmiş "Rəvan" klubu, doğma meydandan əliboş ayrılmaq niyyətində deyil.
Günün və turun son matçı isə Lənkəranda baş tutacaq. Burada yerli "Xəzər Lənkəran" "Neftçi"ni qəbul edəcək. Cari mövsüm ərzində uğurlu nəticələr əldə edə bilməyən hər iki komanda, qarşı-qarşıya gəldikdə ən gözəl oyunlarını göstərməyə çalışacaqlar. "Böyük oyun" adı verilən bu matçda hər iki komanda bu qarşılaşmanın "böyük" olduğunu sübut etməyə çalışacaqlar.
Qeyd edək ki, "Rəvan" - "Zirə" matçı saat 14:00-da, "Böyük oyun" isə saat 16:30-da start götürəcək.
10 aprel
Azərbaycan Premyer Liqa, XXIX tur
14:00. “Rəvan” – “Zirə” 0:4
Qollar: Tato, 16, (0:1), Nelson Bonilla, 53, (0:2),, 57, (0:3), 90+ (0:4)
Hakimlər: Ramil Diniyev, Namiq Hüseynov, Nahid Əliyev, Ramil Əhmədov
“Bayıl Arena”.
16:30. “Xəzər Lənkəran” – “Neftçi” 0:1
Qol: Ruslan Qurbanov 40
Hakimlər: Əliyar Ağayev, Zeynal Zeynalov, Rza Məmmədov, Mahir Məmmədov
“Xəzər Lənkəran” mərkəzi stadionu.