İdmançılarımız Almaniyada 2 gümüş qazandı

Sportarena.az      11 Aprel 2018, 10:50

Həftəsonu Berlində (Almaniya) idman gimnastikası üzrə gənclər arasında “Junior-Team-Cup” adlı 21-ci beynəlxalq turnir keçirilib.

 

Sportarena.az xəbər verir ki, bu turnirdə Azərbaycanı gənc gimnastlar – Murad Ağarzayev, Ağamurad Qəhrəmanov, Səməd Məmmədli və Sergiy Onbış təmsil ediblər. Qeyd edək ki, Murad Ağarzayevdən başqa, bu digər 3 idmançının beynəlxalaq arenada debüt çıxışı olub.

 

2002-ci il təvəllüdlü gimnastların yaş qrupunda çıxış edən Səməd Məmmədli sərbəst hərəkətlər və dəstəli at üzərində finalda 2 gümüş medal qazanıb. O, həmçinin, turnik üzərində hərəkətlərin finalında 4-cü yerə layiq görülüb. Səməd halqa və dayaqlı tullanma üzrə finalda isə 6-cı yerdə qərarlaşıb.

 

Ağamurad Qəhrəmanov və Sergiy Onbış isə 2001-ci il təvəllüdlü gimnastların yaş qrupunda çıxış ediblər. Sergiy dayaqlı tullanma üzrə finala vəsiqə qazanıb və 5-ci yeri tutub. Ağamurad isə parallel qollarda üzərində final çıxışında 5-ci olub.

 

Ölkəmizi daha böyük yaş qrupunda təmsil edən gimnast Murad Ağarzayev dayaqlı tullanma üzrə finalda çıxış edərək, 5-ci yerdə qərarlaşıb.

DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
Avrokubokların yeni formatında klublarımızdan ən azı biri qrup mərhələsinə vəsiqə qazana biləcəkmi?
 Bəli
 Xeyr
 Püşkdən asılı olacaq
 Klublarımızın işi çətin olacaq
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin