İspaniya La Liqasının XXXV turunda "Atletiko" ilə "Malaqa" qarşılaşmasından sonra Madrid təmsilçisinin baş məşqçisi Dieqo Simeone 3 oyunluq cəzalanıb.
Sportarena.az İspaniya mətbuatına istinadən xəbər verir ki, buna səbəb matçın gedişatında "Malaqa" klubunun əks hücuma çıxdığı zaman, "Atletiko"nun baş məşqçisinin topdaşıyandan meydanda 2-ci topu atmasının istəməsidir.
Meydana atılan 2-ci top "Malaqa" futbolçularının diqqətini yayındırdığı üçün klub Simeoneni şikayət edib.
Məsələyə baxıldlqdan sonra İspaniya Futbol Federasiyasının İntizam Komitəsi baş məşqçiyə 3 oyunluq cəza verib.
Qeyd edək ki, meydana 2-ci topu atan topdaşıyan uşaq Dieqo Simeonenin oğlu olub.