Bakı ilk dəfə FIG şurasının iclasına ev sahibliyi edəcək

Sportarena.az      8 May 2018, 13:10

7-8 may tarixlərində Banqkokda (Tailand) Beynəlxalq Gimnastika Federasiyası (FIG) Şurasının iclası keçirilib.


Sportarena.az xəbər verir ki, iclas çərçivəsində, Azərbaycan Gimnastika Federasiyasının Baş katibi Fərid Qayıbov Azərbaycanın növbəti FIG Şurası iclasının Bakıda keçirilməsi ilə bağlı namizədliyinin irəli sürməsi ilə əlaqədar təqdimatı toplantı iştirakçılarının nəzərinə çatdırıb.


Şuranın qərarına əsasən, növbəti ilin 6-7 may tarixlərində FIG Şurasının üzvləri ilk dəfə olaraq Bakıda toplaşacaqlar.


İclasda, həmçinin Azərbaycanın 3 gimnastla təmsil olunacağı (Marina Durunda – bədii gimnastika, Oleq Stepko və Petro Paxnyuk – kişi idman gimnastikası) Rio-2016 Olimpiya Oyunlarında gimnastika növləri üzrə yarışların təsnifat mərhələlərində idmançıların hansı ardıcıllıqla çıxış edəcəyini müəyyən edən püşkatma da keçirilib.


Şura FIG-nin idarəetmə strukturunda əhəmiyyətinə görə ikinci orqandır (birinci Konqressdir) və onun iclasları hər ilin may ayında keçirilir.


44 üzvdən ibarət olan Şuranın vəzifələrinə FIG Prezidentinin hesabatlarının nəzərdən keçirilməsi, FIG İcra Komitəsinin fəaliyyətinin təsdiq edilməsi, FIG-nin Texniki Reqlamentinə dəyişiklik edilməsi, illik maliyyə hesabatının, yarışların keçirilməsinə ayrılan büdcənin təsdiq olunması və s. daxildir.


Bakı növbəti 2017-2020-ci illəri əhatə edən Olimpiya dövrünün ilk FIG Şurasının qəbul edəcəyi mühüm qərarların şahidi olacaq. 

DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
Avrokubokların yeni formatında klublarımızdan ən azı biri qrup mərhələsinə vəsiqə qazana biləcəkmi?
 Bəli
 Xeyr
 Püşkdən asılı olacaq
 Klublarımızın işi çətin olacaq
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin