Serxio Buskets "Barselona" ilə yeni müqavilənin razılığını əldə edib.
Sportarena.az klubun rəsmi saytına istinadən xəbər verir ki, Kataloniya klubu 28 yaşlı yarımmüdafiəçi ilə müqavilənin müddətini 2021-ci ilə qədər uzadıb. Bununlada İspaniya millisinin üzvü olan Serxio Busketsin təzminat qiyməti 200 milyon avroya yüksəlib.
Qeyd edək ki, 2008-ci ildən "Barselona" klubunun şərəfini qoruyan S.Buskets bu müddət ərzində Kataloniya klubunun heyətində 384 matçda iştirak edib. O, bu görüşlərdə 12 dəfə rəqib qapılarına yol tapmağı bacarıb.