Paytaxtımızda davam edən boks üzrə olimpiya lisenziyalı sonuncu turnirdə artıq əsas mərhələyə start verilib.
Sportarena.az xəbər verir ki, mübarizəni davam etdirən 3 boksçumuzdan ikisi rinqə məhz bu gün çıxır.
Yarış gününün günorta proqramında meydana çıxacaq 75 kq-da çıxış edən Kamran Şahsuvarlı 1/4 finalda irlandiyalı idmançı Maykl Orilli ilə üz-üzə gələcək.
Günün ikinci yarış proqramında isə rinqə 81 kq çəki dərəcəsində Teymur Məmmədov çıxacaq. İdmançımızın 1/4 finaldakı rəqibi isə mərakeşli Hassan Saadadır.
49 kq-da ölkəmizi təmsil edən Rüfət Hüseynov isə sabah yarışa qoşulacaq. İdmançımız yarımfinalda mübarizə aparacaq.
Qeyd edək ki, dünyanın 105 ölkəsindən 469 boksçunun mübarizə apardığı yarışda son 39 lisenziyanın sahibi müəyyənləşəcək. Turnirə iyunun 25-də yekun vurulacaq