"Qəbələ"nin yeni transferi: "3 qol vuracağımı gözləmirdim"

Sportarena.az      1 İyul 2016 , 23:53

“Qəbələ” 2016-2017-ci illər mövsümünə böyükhesablı qələbə ilə start verib. “Qırmızı-qaralar” UEFA Avropa Liqasının I təsnifat mərhələsinin “Samtredia” (Gürcüstan) ilə matçında 5:1 hesabı ilə qalib gəlib. Komandada ilk oyununu keçirən Teo Uiks “Qəbələ”nin tarixinə həm ilk liberiyalı, həm də avrokuboklardakı ilk het-trikin müəllifi kimi düşüb. “Samtredia” ilə matçda 3 qol vurub, 1 məhsuldar ötürmə verən Uiks matç haqda fikirlərini klubun rəsmi saytına açıqlayıb:


“Qəbəıə”də ilk oyunum mənim üçün uğurlu oldu. Buna çox sevinirəm və belə davam etməsini istəyirəm. Qarşılaşmadan öncə qələbə qazanacağımıza inansam da, hesabın belə olacağını və özümün 3 qol vuracağımı gözləmirdim. Çünki rəqibimiz də güclü komandadır. Matçdan öncə şanslar da bərabər qiymətləndirilirdi. Lakin biz bu görüşdə daha yaxşı oynayıb, qalib gəldik. Üç qol vurmağa nail oldum ki, bu da karyeramda ilk het-trikdir. Mənim bu uğurum bütün komandanın əməyidir. Qollarımda və qələbəmizdə komanda yoldaşlarımın böyük rolu oldu”. 
Uiks bu ay keçdiyi “Qəbələ”yə uyğunlaşması və “Samtredia” ilə cavab oyunu haqda da fikirlərini bildirib: “Qəbələ”yə gəldiyim ilk gündən komandaya uyğunlaşmağa, baş məşqçinin tapşırıqlarını düzgün yerinə yetirməyə çalışıram. Bunlar da adaptasiyaya müsbət təsir edir. İlk qarşılaşmada yaxşı oynayıb, nəticə qazansaq da, qarşıda səfər oyunu da var. Bu matçın da çətin olacağını bilirik. Həmin oyuna da ciddi yanaşıb, bütün görüşlərə olduğu kimi hazırlaşacağıq”.

 

DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
Premyer Liqada mövsümün gedişindən razısınızmı?
 Razıyam
 Narazıyam
 Maraqlanmıram
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin