Sloveniyanın "Domjale" klubu Avropa Liqasının birinci təsnifat mərhələsində cavab oyununu keçirib.
Sportarena.az xəbər verir ki, həmyerlimiz Samir Məsimovun çıxış etdiyi "Domjale" klubu səfərdə Andorra təmsilçisi "Luzitanos" ilə qarşılaşıb.
Doğma meydanda rəqibinə 3:1 hesabı ilə qalib gələn "Domjale", səfər oyununda da 2:1 hesabıyla üstün olaraq mərhələyə vəsiqə qazanıb.
Qeyd edək ki, Məsimovun adı bu matçın iştirak ərizəsinə daxil edilməyib.