Futbol üzrə UEFA Avropa Liqasının II təsnifat mərhələsinin cavab görüşləri çərçivəsində keçiriləcək “Şkendiya”–“Neftçi” matçının biletləri satışa çıxarılıb.
Sportarena.az Makedoniya təmsilçisinin rəsmi saytına istinadla xəbər verir ki, iyulun 21-də oynanılacaq qarşılaşmanın biletlərini azarkeşlər bu gündən etibarən ala biləcəklər.
Biletin qiyməti 200 Makedoniya dinarı dəyərindədir. Bu isə təxminən 5 manat 60 qəpiyə bərabərdir.
Qeyd edək ki, “Filip II Makedonski” arenasında keçiriləcək “Şkendiya”–“Neftçi” matçı Bakı vaxtı ilə 22:00-da start götürəcək.