"Çelsi”də ümidləri doğrulda bilməyən Dieqo Kosta növəti dəfə "Atletiko”ya qayıtmağa hazırlaşır.
İspaniya millisinin forvardının yaxın günlərdə sabiq komandasına qayıdacağı gözlənilir. Bunu İspaniya mətbuatına açıqlamasında klubun prezidenti Enrike Serezo deyib. Klub başkanı hazırda danışıqların davam etdiyini açıqlayıb: "Dieqo Kosta ilə danışmışıq. Onu "Atletiko”ya qaytarmaq üçün çalışırıq və buna çox yaxınıq”.
Qeyd edək ki, 2007-09 və 2010-14 cü illərdə "Atletiko”da çıxış edib. O, Madrid klubunun heyətində 94 oyuna 43 qol vurmağı bacarıb.