İngiltərə klubu "Yuventus"u Paul Poqbanı satmağa razı sala bilib.
İddialara görə, "Mançester Yunayted" bu futbolçuya görə Turin klubuna 109 milyon avro ödəyəcək. Bonuslar və menecer Mino Raiolaya ödənəcək məbləğlə birlikdə "qırmızı şeytanlar" fransız ulduz üçün 143 milyon avro xərc çəkmiş olacaq.
Beləliklə, Paul Poqba futbol tarixinin ən böyük transferi olacaq. İndiyədək ən bahalı futbolçu "Real"ın "Tottenhem"dən 101 milyon avroya aldığı Qaret Beyl hesab olunurdu.