Almaniya 3-cü Bundesliqasında 5-ci turun qarşılaşmaları keçirilir.
Milli komandamızın üzvü Tuğrul Eratın şərəfini qoruduğu "Duyzburq" səfərdə "Maqdeburq"un qonağı olub. Qarşılaşma Eratın komandasının 2 - 1 hesablı qələbəsi ilə yekunlaşıb.
Millimizin üzvü matça start heyətdə başlayıb və 70 dəqiqə mübarizə aparıb. 23 yaşlı forvard matçın 40-cı dəqiqəsində fərqlənməklə komandasına qələbə qazandırıb.
Qeyd edək ki, 5 turdan sonra aktivində 11 xal olan "Duyzburq" turnir cədvəlinin 1-ci pilləsində qərarlaşıb.