Karateçimiz İndoneziyada dünya çempionu oldu

Sportarena.az      27 Avqust 2018, 18:14

Kata üzrə Avropa üçüncüsü Roman Heydərov Beynəlxalq Şotokan Karate-do Federasiyasının (SKİF) 12-ci dünya çempionatının qalibi olub.

 

Azərbaycan Milli Karate Federasiyasının və SKİF-in Azərbaycan təşkilatının prezidenti Yaşar Bəşirovun rəhbərliyi ilə İndoneziyanın paytaxtı Cakartada mötəbər yarışa yollanan üç idmançımızdan “Arpaçay” klubunun üzvü R.Heydərov rəqiblərinə maksimal üstünlüklə qalib gəlib. 16-17 yaşlı gənclər seçmə komandasının üzvü, dünya ikincisi Fidan Teymurova isə yarışın ikinci günü tatamiyə çıxacaq. Ondan başqa “Qaraqaplan” klubunun perspektivli idmançısı 13 yaşlı Rəvan Bağırov da ertəsi gün mübarizəyə qatılacaq.


Kata üzrə milli komandaların böyük məşqçisi Vahid Ayvazov və “Qaraqaplan” klubunun məşqçisi Cahangir Babayev, həmçinin federasiyanın media və ictimaiyyətlə işlər katibi Sənan Məhərrəmov da dünya çempionatına ezam olunub.


Nüfuzlu yarışda 48 ölkədən 700-dək müxtəlif yaşlı karateçi iştirak edir.

DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
Premyer Liqada mövsümün gedişindən razısızmı?
 Razıyam
 Normaldır
 Narazıyam
 Maraqlanmıram
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin