Eminə borcu olduğuna görə sərt cəza aldılar

Sportarena.az      30 Avqust 2018, 12:35

Rusiyanın "Mordoviya" klubu yeni futbolçuları qeydiyyatdan keçirmə hüququndan məhrum edilib.
 

Sportarena.az xəbər verir ki, bu barədə Rusiya Futbol İttifaqının Mübahisəli Məsələlərin Həlli Palatasının iclasında qərar verilib.


Səbəb kimi klubun bir sıra oyunçulara ödənişlərdə borcunun olmasıdır. Onların arasında Anton Bober, Oleq Vlasov, Marko Lomiç və Dalibor Stevanoviçlə yanaşı, Azərbaycan millisinin yeni üzvü Emin Mahmudov da var.


Qadağa ilə yanaşı, "Mordoviya"ya məbləği açıqlanmayan cərimə də kəsilib. Klub futbolçular qarşısındakı öhdəliklərini yerinə yetirsə, qadağa götürülə bilər.
 

Qeyd edək ki, Emin Mahmudov müqavilə üzrə "Krılya Sovetov"a məxsus olduğu vaxt 2015-2016 mövsümündə "Mordoviya"da icarə əsasında forma geyinib. O, cari mövsümdən Portuqaliya "Boavişta"sında çıxış edir. FİFA avqustun 5-də Mahmudovun Azərbaycan millisində çıxış etməsinə icazə verib. Artıq 24 yaşlı yarımmüdafiəçi yığmanın düşərgəsindədir və San Marino ilə sentyabrın 4-də səfərdə keçirəcəkləri 2018-ci il dünya çempionatının seçmə qrup matçına hazırlaşır. "Mordoviya" isə ötən mövsümün yekunlarına əsasən, Rusiya Premyer Liqasını tərk edib və artıq I Divizionda mübarizə aparır ("Report").

DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
Avrokubokların yeni formatında klublarımızdan ən azı biri qrup mərhələsinə vəsiqə qazana biləcəkmi?
 Bəli
 Xeyr
 Püşkdən asılı olacaq
 Klublarımızın işi çətin olacaq
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin