Stamenkoviçdən “Neftçi” rəhbərliyinə sərt ittihamlar

10:13 12 Sentyabr 2016

“Neftçi”nin sabiq qapıçısı Saşa Stamenkoviç klubun hazırkı rəhbərliyini, Müşahidə Şurasını istefaya çağırıb. 


Sportarena.az xəbər verir ki, serb qapıçı feysbukda yer alan “Neftchi Baku [Fan Page]" səhifəsinə göndərdiyi müraciətdə “ağ-qaralar”ın hazırkı rəhbərliyinə qarşı ittihamlar irəli sürüb. 


Stamenkoviçin fikirlərini  təqdim edirik:


- “Neftçi”nin azarkeşi və 4 il klubun formasını geymiş biri kimi hazırkı rəhbərliyi, Müşahidə Şurasını tam heyətlə istefaya çağırıram. Azərbaycanın ən böyük klubunu daha biabır etmək olmaz. Sizin şəxsi maraqlarınız, pul böldüyünüz futbolçuları mühafizə etməyiniz...bunu mənə də təklif etmişdiniz. Haqqım olan pulun yarısını ödəmək, yarısını isə cibinizə qoymaq istəyirdiniz. 


Azarkeşlər Elnura (Elnur Məmmədov nəzərdə tutulur-red.) rejissor kimi və Çingizə (Çingiz Abdullayev nəzərdə tutulur-red.) yazıçı kimi “Neftçi”ni necə məhv etmələri barədə kitab buraxmağa icazə verməyəcəklər. 


Keçmişə qayıdaraq bizi - 12 legioneri niyə klubdan göndərdiyinizi soruşmaq istəmirəm. Bəlkə ona görə ki, bizi kluba cənab Sadıqov (Sadıq Sadıqov nəzərdə tutulur-red.) gətirmişdi və biz “Neftçi”nin tarixindəki ən yaxşı heyət olmuşuq. Biz hazırda başqa klublardayıq. Yeni uğurlar əldə edirik və sizləri bağışlamışıq. Amma qorxuram ki, azarkeşlər sizi heç vaxt bağışlamayalar. 


Oyunçular, məşqçilər günahkar deyillər. Günahkar sizin futboldakı biliksizliyinizdir. Ona görə də “Neftçi”ni məhv etməmək üçün gedin. Yaşasın "Neftçi”.


Xəbər xətti