Klubumuz Serbiya millisinin üzvünü heyətinə qatdı

Sportarena.az      23 Sentyabr 2018, 14:14

Bakının qadınlardan ibarət “Telekom” voleybol komandası növbəti transferini reallaşdırıb.

Çempionlar Liqasında ölkəmizi təmsil edəcək “Telekom” Serbiya millisinin sabiq hücumçusu Yovana Vesoviç ilə birillik müqavilə imzalayıb. İyirmi doqquz yaşlı voleybolçu son mövsümü Rumıniyanın “Alba” klubunda keçirib.

Voleybolçu Azərbaycana gəlincə, beş ölkədə legioner həyatı yaşayıb. O, daha öncə “Yedinstvo” (2002/2007-ci il, Serbiya və Çernoqoriya), “Postar 064” (2007/2009-cu il, Serbiya), “Volero” (2009/2010-cu il, İsveçrə), “Dinamo” (2010/2011-ci il), “Tomis” (2011/2012-ci il, hər ikisi Rumıniya), “Severyanka” (2012/2013-cü il, Rusiya), “Çanakkala Bld” (2013/2014-cü il, Türkiyə) və “Olimpiakos” (2014/2015-ci il, Yunanıstan) klublarının şərəfini qoruyub.

Üç dəfə Serbiya çempionu olan voleybolçu İsveçrə və Rumıniya çempionatlarının da qızıl medalına yiyələnib. Y.Vesoviç, həmçinin Serbiya kubokunun 2 qat qalibidir. O, İsveçrə və Yunanıstanda da ölkə kubokunu başı üzərinə qaldırıb. Vesoviçin yığma karyerası da kifayət qədər zəngindir. 2006-cı ildən əsas komandanın şərəfini qoruyan voleybolçu 2011-ci ildə Avropa çempionu titulunu qazanıb. Bundan əlavə, “London-2012”nin iştirakçısı olan oyunçu Avropa Liqasının 2 dəfə qızıl, 1 dəfə bürünc medalına yiyələnib. Qitə çempionatında 2-ci olan Yovana Universiadanın finalında oynayıb, dünya çempionatı və Qran-prinin 3-cüsü olub. 

DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
Avrokubokların yeni formatında klublarımızdan ən azı biri qrup mərhələsinə vəsiqə qazana biləcəkmi?
 Bəli
 Xeyr
 Püşkdən asılı olacaq
 Klublarımızın işi çətin olacaq
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin