İspaniyanın Valensiya klubunun rəhbərliyi yeni baş məşqçinin adını müəyyənləşdirib. Komandanı bundan sonra Çezare Prandelli çalışdıracaq. Bu barədə Sky Sports məlumat verib.
Xatırladaq ki, Valensiya 2 tur əvvəl baş məşqçi Pako Ayesteranı istefaya göndərmişdi. Onun gedişindən sonra müvəqqəti çalışdırıcı Qoronun rəhbərliyi altında yarasalar 2 qələbə qazanmışdı.
Çezare Prandellinin son iş yeri Qalatasaray klubu olub. Ondan əvvəl isə mütəxəssis İtaliya millisini çalışdırmışdı.