"Qalatasaray"ın futbolçusu Hollandiyanın Belarusla DÇ-2018-in seçmə mərhələsi çərçivəsində keçirdiyi oyunda zədələnib.
Oyuna start heyətində başlayan Sneyder fasilədə əvəzlənib. Buna səbəb holland futbolçunun zədələnməsi olub.
Hollandların 4-1 hesabı ilə qələbə qazandıqları oyundan sonra Sneyder verdiyi açıqlamada: "2-0 öndə idik. Durumum oyunu davam etməyə imkan vermədi. Risq edə bilməzdim. Bazar ertəsi Fransa ilə oyunda meydana çıxıb-çıxmayacağımı bilmirəm. Həkimlərin müayinəsindən sonra bilinəcək" - deyə bildirib.