Azərbaycan Premyer Liqasının 9-cu turunda evində "Qarabağ"ı qəbul edən "Neftçi" klubu 0:2 hesabı ilə məğlub olub.
Sportarena.az-ın stadionda olan əməkdaşının məlumatına görə, oyunun sonlarında meydanda insident yaşanıb. Komandasının məğlubiyyəti ilə barışmayan "Neftçi" azarkeşləri klub rəhbərliyini istefaya səsləyib. Bununla da sakitləşməyən azarkeşlərdən biri stadiona daxil olub. "Neftçi"nin "qoçu"su Katalin Tira isə stadiona daxil olmağına azarkeşi peşman edib. Legioner futbolçu meydana girən azarkeşi yumruq- təpik atəşinə tutub. Meydana girən polislər azarkeşi futbolçunun əlindən ala biliblər.