Karateçilərimiz dünya çempionatının qızıl, gümüş və bürünc medallarına sahib oldular

Sportarena.az      30 Oktyabr 2018, 12:54

Azərbaycan karateçiləri Avstriyanın Linz şəhərində 24-cü Dünya çempionatının fərdi yarışlarını böyük nəticə ilə başa vurdular. 
     

Sportarena.az xəbər verir ki, finalda misirli rəqibini 4:1 hesabı ilə məğlub edən Rafael Ağayev (-74 kq, şəxsi məşqçisi Fizuli Musayev) 5-ci dəfə dünya çempionu olmaqla karate aləmində yazdığı tarixi yenilədi. Karatenin canlı əfsanəsi, çempionatın son günü komanda yarışlarında fransa idmançılarına qarşı da tatmiyə çıxacaq. 
    

Gənclər arasında dünya çempionu Ayxan Mamayev (-84 kq, şəxsi məşqçisi Şahin Xudaverdiyev) təəssüf ki, yaponiyalı idmançı ilə 0:5 hesablı finalda bu nəticəsini böyüklərin yarışında təkrarlaya bilmədi. Avropa Oyunlarının ilk qalibi kimi tarixə düşən Firdovsi Fərzəliyev (-60 kq, şəxsi məşqçisi Rəhman Hətəmov) isə finala çıxışda hakim haqsızlığıyla üzləşsə də, mərakeşli idmançıyla bürünc medal uğrunda görüşü qələbəylə başa vurdu. Hesab açılmasa da, hakimlər daha fəal olan və hücumlara meylli F.Fərzəliyevin xeyrinə qərar verdilər. 


İlk mükafatlar gününün nəticəsinə əsasən Azərbaycan medal qazana bilən 25 ölkə arasında dünyada 5-ci, avropada isə 2-ci yeri tutdu. Yarışda 118 ölkədən 1025 idmançı iştirak edir.


30 oktyabrda komanda görüşləri ilə dünya çempionatına yekun vurulacaq. Bürünc medal görüşünə çıxan milli komandamızın rəqibi Fransa karateçiləri olacaq.

DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
Premyer Liqada mövsümün gedişindən razısızmı?
 Razıyam
 Normaldır
 Narazıyam
 Maraqlanmıram
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin