Sportarena.az
25 İyun 2017

Firdovsi Umudov: "Çalışacağam ki, mənə göstərilən etimadı doğruldum"

12 Punto 14 Punto 16 Punto 18 Punto

Noyabrın 24-dən 26-dək Bakıda Ümummilli Lider Heydər Əliyevin xatirəsinə həsr olunmuş güləş üzrə “Qızıl Qran Pri” beynəlxalq turnirinin final mərhələsi baş tutacaq. Yarışa səylə hazırlaşan sərbəst güləş üzrə milli komandamızın mətbuat üçün açıq məşqi olub.


Sportarena.az xəbər verir ki, məşqdən sonra mətbuat nümayəndələrinə açıqlama verən yığmanın sabiq böyük məşqçisi, hazırda baş məşqçi əvəzi vəzifəsinə təyinat alan Firdovsi Umudov heyətdə müəyyən dəyişikliklərin olacağını bildirib. 

Təcrübəli çalışdırıcı təyinatı barədə də danışıb:

“Komanda mənə çox yaxındır. Uşaqlarla tanışıq, onlar da məni çox yaxşı tanıyır. 2007-2008-ci illərdə çalışdığım yeniyetmələr indi əsas yığmanın üzvləridir. Hacı Əliyev, Cəbrayıl Həsənov, Toğrul Əsgərovu misal göstərmək olar. İdmançılarımızın psixologiyasını, onlara necə yanaşmağın lazım olduğunu bilirəm. Hazırlıq prosesində də çatışan və çatışmayan cəhətlərə bələdəm. Çalışacağam ki, mənə göstərilən etimadı doğruldum. Güclü məşqçilər korpusumuz var. Bir yerdə işləyib gələcək yarışlarda da nəticələr qazanmağa çalışacağıq. Təbii ki, yığmada son söz baş məşqçinin olur. Mən də çalışacağam ki, idmançıları düzgün analiz edim və doğru qərar verim. Ümumiyyətlə, əsas məqsəd milli komandaya yeni nəfəs gətirməkdir. Bilirsiniz ki, güləşsevərlər, xalqımız daim yarışlarda yeni simalar, güclü güləşçilər görmək istəyir. Yeniyetmələrə, gənclərə daha çox üstünlük verməliyik. İndidən təməli möhkəm qoysaq, gələcəkdə bunun bəhrəsini görəcəyik. Hazırda komandada rəqabət çox güclüdür. Dünya Güləş Birliyinin qərarına əsasən, “Qızıl Qran Pri“ beynəlxalq turnirinin final mərhələsində hər çəkidə 3 güləşçimiz çıxış edə bilər. Bəzi çəkilərdə 4-5 pəhləvanımızın iştirakı planlaşdırılır. Təlim-məşq toplanışlarında hamısını nəzərdən keçirmişik, yoxlamışıq. Onlar yarışlara tam hazırdırlar. Bilirsiniz, güləşçilərimizdə ilk növbədə vətənə sevgi olmalıdır. Demək olar, hər məşqdən əvvəl bu barədə onlarla söhbətimiz olur. Onlar dərk etməlidirlər ki, beynəlxalq arenalarda ölkəmizi təmil edirlər, daim bayrağımızı yüksəltməyə, himnimizi səsləndirməyə çalışmalıdırlar. Vətənə sevgi olsa, uğurlarımızın sayı da atacaq. Dövlətimiz, Azərbaycan Güləş Federasiyası, Gənclər və İdman Nazirliyi idmançılarımızın yaxşı nəticələr qazanması üçün əlindən gələni edir. Bizim də məqsədimiz etimadı doğrultmaqdır".


Qeyd edək ki, proqrama əsasən, sərbəst güləşçilər yarışların ilk günündə mübarizə aparacaq. Noyabrın 25-də qadın, 26-da isə yunan-Roma güləşi üzrə qaliblər müəyyənləşəcək.

Tarix
17.11.16 [15:31]
* Xəbərə şərh yoxdur. İlk şərhi sən yaz

Adınız
E-mail adresiniz
Şərhiniz

Xəbər xətti

Facebook

Sorğu

Növbəti mövsümdən Premyer Liqada neçə klub iştirak etsin?
 8
 10
 12
 Daha çox

Copyright © 2017 Sportarena.az
Saytı hazırladı: Five studio