Azərbaycan Premyer Liqasının XII turu çərçivəsində keçirilən "Qəbələ" - "Zirə" matçı meydan sahiblərinin 1:0 hesablı qələbəsi ilə yekunlaşıb.
Sportarena.az futbol11.aza istinadən xəbər verir ki, qarşılaşmadan sona "qırmızı-qaralar"ın məşqçisi Sənan Qurbanov oyunla bağlı fikirlərini bildirib.
"Zirə"nin oyundan oyuna artırdığını bilirdik. Vacib olan 3 xalı qazandıq. Ötən oyunlarda xal itirmişdik. Oyundan öncə də uşaqlarıı məlumatlandırmışdıq ki, qol imkanlardan istifadə edək. Əks halda bu, bizə baha başa gələcəkdi".
- Müdafiədə boşluqlar var idi. Şans üzünüzə güldü. Qələbə səhvləri unutdurdu?
- Sizinlə razıyam. Komandanın üzərində təzyiq var idi. Rəqib bizi əks-hücumlarda yaxalaya bilirdi. Səhvləri aradan qaldırmağa çalışacağıq.
- Roman Qriqorçukun texniki zonada yoxluğu hiss olunurdu?
- Qriqorçuk öz göstərişlərini vermişdi. Baş məşqçinin postunda olmaması bizim üçün yaxşı hal deyil. Buna baxmayaraq, Qriqorçukun yoxluğu hiss olunurdu.
- Oyunun gedişində Qriqorçukla telefon danışığınız oldu?
- Onun fəlsəfəsinə bələdəm. Buna görə də telefonla danışağa ehtiyac yox idi.
- Franyiçlə Tellur Mütəllimov ötən gün əvəzedici komandada çıxış edib. Onların çıxışından narazısız?
- Qərara gəldik ki, əvəzedicidə oynadaq. Tellur isə oyun praktikasından əziyyət çəkməsin deyə, belə bir addım atmışıq. Hələ ki, Franyiç ürəkaçan oyun sərgiləmir.
- Bəzi epizodlarda futbolçularıız aqressiv davranırdı. Rəşad Sadiqov ikinci sarı vərəqədən sonra meydandan qovula da bilərdi.
- Rəşad təcrübəli futbolçudu. Sarı vərəsi olduğu üçün ehtiyatlı olmalı idi. Bununla bağlı futbolçularımızla söhbətimiz olacaq. Yaxşı ki, zədəlilərimiz artıq sıraya qoşulub. Çalışacağıq ki, növbəti oyunlara optimal heyətlə çıxaq.