İngiltərə futbolunda istismar: 83 nəfər həbs olundu

01:33 11 Dekabr 2016

İngiltərə polisi aşağı yaş qrupunda oynayan futbolçuları cinsi istismara məruz qoyan 83 nəfəri həbs edib.

Onların qurbanlarının 98 faizi kişi futbolçular olub. 

Uşaqlara İşgəncənin Qarşısını Alma dərnəyinin təklifi ilə başlayan araşdırmalar yenə də davam etdiriləcək.

Cinsi istismarda 98 klubun adı var. İngiltərə Premyer Liqasından həvəskar liqaya qədər klubların adı hallanır.

Futbolçulara edilən cinsi istismar haqqında indiyə qədər 639 telefonla şikayət olunub. İstismara məruz qalan futbolçuların yaşlarının 7 - 20 arasında olduğu bildirilir.

FİFA prezidenti Cianni İnfantino da məsələyə münasibət bildirib: "Bu adamlar ən sərt şəkildə cəzalandırılmalıdır. Hər şey xırda detalına qədər araşdırılmalıdır".

İngiltərə Futbol Federasiyasının prezidenti Qreq Klark isə bunun İngiltərə futbol tarixində ən böyük krizlərdən biri olduğunu deyib. 


Xəbər xətti